Indwara y’ Amayobera muri Tanzania

Indwara itaramenyekana iyo ari yo iri kuvugwa mu burengerazuba bushyira amajyepfo ya Tanzania aho abayirwaye barangwa no kuruka amaraso, nk’uko ibinyamakuru byaho bibivuga.

Ibi binyamakuru bivuga ko amakuru yatanzwe n’abashinzwe ubuzima mu karere ka Chunya ari uko hari bamwe mu bayirwaye bapfuye mu gihe cy’amasaha.

Minisiteri y’ubuzima yo yatangaje ko yohereje ikipe y’inzobere gukora iperereza ku biri kuvugwa, gusa ihakana ko yaba ari indwara yateye.Minisitiri w’ubuzima Dorothy Gwajika yahagaritse umukozi ushinzwe ubuzima muri ako karere wabwiye ibinyamakuru iby’iyi ndwara, nk’uko ikinyamakuru Citizen kibivuga.

Minisiteri y’ubuzima yavuze ko ibimenyetso bivugwa bisa n’ibyabonetse na mbere mu 2018.

Iyi minisiteri isaba abaturage gukomeza ituze mu gihe bari gukora iperereza, bagatanga amakuru arambuye nyuma.

Mu minsi ishize, abaturage ba Tanzania bashishikarijwe n’abategetsi gukoresha imera bimwe na bimwe mu kwirinda icyorezo cya coronavirus.

Perezida Magufuli we yatangaje muri iki gihugu nta coronavirus ihari, na minisiteri y’ubuzima yavuze ko nta gahunda bafite yo gusaba inkingo z’iki cyorezo.

Ubwanditsi