Urubanza rw’Impunzi na Leta ya Malawi Rwongeye Gusubikwa

Amakuru Ikinyamakuru Intambwe gikesha bamwe mu bayobozi ba SOS Refugees in Malawi ni uko urubanza rw’ impunzi na Leta ya Malawi rwasubitswe. Ni urubanza rwari rwitezwe n’ abatari bacye. Uru rubanza rwagombaga kuburanishwa kuri uyu wa gatanu tariki ya 16/07/2021. Abunganira impunzi bavuga ko kuba uru rubanza rwasubitswe ntacyo bitwaye impunzi kuko n ubundi ziteguye kuburana igihe icyaricyo cyose. Uru rubanza rwasubitswe mu gihe kitazwi. Tubibutse ko abahagarariye impunzi bitabaje ubutabera nyuma yo kutishimira icyemezo cyafashwe na leta cyo kuzirukana mu duce dutandukanye twa Malawi. Impunzi zategetswe gusubira mu nkambi ya Dzaleka ifite ubushobozi bwo kwakira impunzi ibihumbi10 mu gihe rapport zigaragaza ko ubu Malawi ifite impunzi zikabakaba hafi ibihumbi 50.

Obed Ndahayo