Simba SC yanyagiye Al Merrikh yo muri Sudan ibitego 3-0 mu mukino w’umunsi wa kane w’amatsinda ya TOTAL CAF Champions League 2020-2021 mu itsinda rya mbere (A) ikomeza kuyobora iri tsinda ibanamo na Al Ahly. Simba SC yujuje amanota icumi.
Ibitego bya Simba SC byatsinzwe na José Luis Miquissone (18’), Mohammed Hussein Zimbwe Junior (39’) na Chris Mtshimba Mugalu (50’). Tubibutseko umukino ubanza wari wazihuje wari wabereye muri SUDAN zari zaguye miswi umukino urangira ari busa ku busa. Simba SC yayoboye itsinda kuva ku munsi wa mbere w’imikino y’amatsinda ikaba yasabwaga amanota atatu kugira ngo ikomeze kwizera ubudahangarwa muri iri tsinda. Simba ikaba byibura ibura inota rimwe mumikino ibiri isigaye kugirango igere mu kiciro gikurikira.
Al Ahly nayo yanyagiye AS Vita ibitego 3-0 mu mukino wakiniwe mu mujyi wa Kinshasa muri Repubulika Iharanira Demokarasi ya Congo. Mu mukino ubanza wari wazihuje wari wabereye mu misiri AS VITA yari yihagazeho ihakura inota rimwe binganyije bibiri kuri bibiri. Al Ahly yahise ikomeza kuba ku mwanya wa kabiri n’amanota arindwi (7) mu gihe AS Vita ari iya gatatu n’amanota ane (4) naho Al Merrikh ni iya nyuma n’inota rimwe (1).Ibitego bya Al Ahly batsinzwe na Mohammed Sherif (6’), Mohammed Magdy (19’) na Taher Mohamed (78’).
Ubu harimo kwibazwa niba SIMBA SC izakomeza kuyobora itsinda mumikino ibiri isigaye ikarangiza imbere yikipe yigihangange muri afurika ari nayo ifite igikombe giheruka AL AHLY.
Niyirema Kharufani